Russiýanyň «RŽD-Medisina» kompaniýasynyň lukmanlary Türkmenistana sapar ederler

Russiýanyň «RŽD-Medisina» kompaniýasynyň lukmanlarynyň wekiliýeti «Ýagşylyk sapary» atly halkara taslamanyň çäklerinde Türkmenistana sapar eder. Bu barada Aşgabatdaky Rus öýüniň metbugat gullugy habar berýär.

​

Toparyň düzümine kardiohirurgiýa, gastroenterologiýa, ginekologiýa, sagdyn durmuş ýörelgesi we lukmançylygyň beýleki ugurlary boýunça hünärmenler girýär.

​

Rus lukmanlary bilen duşuşyk 10-njy noýabrda sagat 16:30-da Aşgabatdaky Rus öýünde geçiriler. Habarda bellenilişi ýaly, bu çäre lukmançylyk bilen geljegini baglamak isleýänler ýa-da Russiýanyň lukmançylyk ýokary okuw mekdeplerine girmäge taýýarlanýanlar üçin gaýtalanmajak mümkinçilik bolar.

​

Duşuşyga gatnaşýanlar tejribeli lukmanlar bilen gürrüňdeş bolup, lukmançylyk biliminiň we hünäriniň inçe taraplary barada sorag berip, şeýle hem hünärmenleriň amaly tejribesinden gyzykly wakalary diňläp bilerler.

​