Tedros Adan: «COVID-19 bilen baglanyşykly adatdan daşary ýagdaý tamamlandy»

COVID-19 bilen baglanyşykly bütin dünýäde 2020-nji ýyldan bäri dowam edýän adatdan daşary ýagdaý ýatyrylýar. Bu barada Bütindünýä Saglygy Goraýyş Guramasynyň ýolbaşçysy Tedros Adan Gebreýesus habar berdi.

— Men uly umyt bilen COVID-19-yň adatdan daşary ýagdaý hökmünde tamamlanandygyny habar berýärin.

Bu sözleri aýtmak bilen Gebreýesus BSGG-niň hünärmenleriniň maslahatlary bilen razylaşýandygyny aýan etdi.

— Düýn adatdan daşary ýagdaýlar boýunça komitet özüniň 15-nji duşuşygyny geçirdi we maňa jemgyýetçilik saglygy goraýyş ulgamynda halkara jemgyýetçiliginde biynjalyklyk döredýän adatdan daşary ýagdaýy tamamlamak bilen baglanyşykly maslahat berdiler. Men bu maslahat bilen razylaşdym — diýip, Gebreýesus pikirlerini paýlaşdy.

Şol bir wagtyň özünde BSGG bu ýagdaý bilen baglanyşykly meselelerde hüşgärligi elden bermeli däldigini belläp geçdi.