Döwlet meýletin saglyk ätiýaçlandyrmasy boýunça şertnama baglaşan adamlar:

– gatnawly şertlerde bejergi alanda lukman tarapyndan ýazylan dermannamalaryň esasynda sanawa girizilen derman serişdelerini ýurdumyzyň döwlet dermanhanasyndan 50% ýeňillikli şertlerde satyn alyp bilýärler. Bu dermanlaryň sanawyna ýurdumyzyň ýerli derman senagaty kärhanalarynda, daşary ýurt derman kärhanalarynda öndürilýän we ilat tarapyndan giňden ulanylýan derman serişdeleri girizilendir;

– döwlet býujetindäki we hojalyk hasaplaşygyndaky bejeriş-öňüni alyş edaralarynda ýerine ýetirilýän tölegli lukmançylyk hyzmatlarynyň ähli görnüşlerinden 50% ýeňillikli şertlerde peýdalanyp bilýärler;

– bir hepdäniň dowamynda (gyssagly lukmançylyk kömegi talap edilmeýän ýagdaýlarda) hassahana ýerleşip bilýärler;

– hyzmat edýän bejeriş edarasynyň çäklerinde hyzmat edýän maşgala lukmanyny raýatyň özi saýlap bilýär;

– ýylyň dowamynda bir gezek Türkmenistanyň Saglygy goraýyş we derman senagaty ministrliginiň şypahana edaralarynyň hyzmatyndan 50% möçberde arzanladylan görnüşde peýdalanyp bilýärler.

Ýygy-ýygydan soralýan soraglar we jogaplar