Aşgabat şäheriniň Arassaçylyk we keselleriň ýaýramagyna garşy göreşmek gullugy
Aşgabat şäheriniň Arassaçylyk we keselleriň ýaýramagyna garşy göreşmek gullugynyň işiniň baş maksady ilatyň sanitariýa-epidemiologik taýdan abadançylygyny üpjün etmek babatda çäreleri guramakdan, utgaşdyrmakdan we gözegçilik barlagyny amala aşyrmakdan, şeýle hem sanitariýa-epidemiologiýa we gigiýena kadalaryny, daş-töweregi sagdynlaşdyrmaga gönükdirilen arassaçylyk-gigiýena talaplaryny, ýokanç we beýleki keselleriň öňüni alyş çärelerini işläp taýýarlamakdan, iýmit hem iýmitlenmegi, daşky gurşawyň adam saglygyna ýetirýän täsirini, ýokanç keselleriň aýratynlyklaryny öwrenmekden ybaratdyr. Onuň düzüminde dünýä ülňülerine laýyk gelýän, ygtybarly enjamlar bilen enjamlaşdyrylan bölümler bolup, olarda birnäçe bölümçeler we barlaghanalar hereket edýär. Gullugyň işi arassaçylyk-gigiýena, bakteriologiýa barlaghanalary hem-de olaryň düzümlerindäki degişli bölümçeler tarapyndan alnyp barlyp, ýerine ýetirilýän işleriň ýokary halkara talaplara laýyk gelmegine aýratyn üns berilýär.
Aşgabat şäheriniň Arassaçylyk we keselleriň ýaýramagyna garşy göreşmek gullugynyň barlaghanasyna hil ulgamynyň laýyklyk güwänamasy hem berlendir. Munuň özi ýurdumyzyň saglygy goraýyş ulgamynyň degişli düzümlerinde alnyp barylýan işleriň ýokary halkara görkezijilere doly laýyk gelýändigine şaýatlyk edýär. Berlen güwänama degişli düzümdäki işleriň TDS ISO 9001 standartynyň bellenen talaplaryna laýyk gelýändigini tassyklaýar. ISO 9001 dünýäde hili dolandyrmak boýunça ykrar edilen standart bolup, ähli ölçeglerdäki edaralara, pudaklara işlerini kämilleşdirmäge, bildirilýän talaplary ýerine ýetirmäge, hil boýunça ygrarlylygyny görkezmäge ýardam edýär. Bu standartyň işe ornaşdyrylmagy arassaçylyk gulluklarynda işleriň netijeli alnyp barylýandygyny, hünärmenleriň öz işlerini ýokary derejede amala aşyrýandygyny, hyzmatlaryň gyşarnyksyz berjaý edilýändigini görkezýär.
Edaranyň ady: Aşgabat şäheriniň Arassaçylyk we keselleriň ýaýramagyna garşy göreşmek gullugy
Salgysy: 744000, Aşgabat şäheri, Gurbansoltan eje şaýoly, 48-nji jaý
Telefon belgisi: +993 (12) 28-14-47
Faks belgisi: +993 (12) 28-14-47
E-poçta salgysy: asgabatsanepid@sanly.tm
Iş tertibi:
Duşenbe – Anna 09:00 – 18:00 (arakesme 13:00 – 14:00)
Şenbe 09:00 – 13:00
Gatnaw ulaglary:
Awtobuslar: 12
Ugur almak üçin bellik: Aşgabat gurluşyk orta hünär okuw mekdebi
Edaranyň kartada ýerleşýän ýeri: Ýandeks Karta
